У Віцебску разважалі пра дыскрымінацыю і эўрапейскія каштоўнасьці
У віцебскім «Эўрапейскім клюбе» прадстаўнікі Камітэту дапамогі рэпрэсаваным «Салідарнасьць» прэзэнтавалі вынікі сваёй працы ў межах кампаніі «Разам супраць дыскрымінацыі», а палітоляг Алесь Лагвінец распавёў аб праекце «Беларусы выбіраюць Эўропу».
Віцебскаму палітыку адмоўлена ў просьбе аб пераводзе яго ў калёнію, бліжэйшую да дому
Дэпартамэнт выкананьня пакараньняў (ДВП) Міністэрства ўнутраных спраў адмовіў віцебскаму прарасейскаму палітыку Сяргею Рыжову ў пераводзе яго з папраўчай калёніі №15 (г. Магілёў) у калёнію №3 (пас. Віцьба Віцебскага раёну), а таксама ў сустрэчы зь сябрамі грамадзкай ініцыятывы Віцебску «За сумленную ўладу».
Дэпартамэнт фінансавых расьсьледаваньняў – адзіная надзея дольнікаў
Скандал, які ўзгарэўся вакол элітнага жыльлёвага комплексу «Таполька», можа сьведчыць пра тое, што на будаўнічы рынак Віцебску прыйшлі расейскія махлярскія схемы. Адзіным спадзевам дольнікаў застаецца бесстароньні падыход да акалічнасьцяў справы Дэпартамэнту фінансавых расьсьледаваньняў.
На Полацкім водаканале загінуў 22-гадовы рабочы
Сьледчы камітэт высьвятляе прычыны гібелі работніка УП «Полацакводаканал» Дзяніса Анішчанкі. Пра гэта сайту charter97.org паведаміў чытач. Аналягічная інфармацыя была апублікаваная 13 сьнежня ў сацыяльных сетках. «На мінулым тыдні 22-гадовы хлопец Дзяніс Анішчанка загінуў, знаходзячыся ў калодзежы, куды яго адправілі перакрываць вэнтыль», – піша чытач.
На Віцебшчыне «Чырвоны Крыж» раздае ваўчары мігрантам з Украіны
Як паведамілі ў Віцебскай абласной арганізацыі Беларускага таварыства Чырвонага Крыжа, цягам лістапада ваўчары атрымалі 273 вымушаныя перасяленцы з Украіны. На кожны ваўчар яго ўладальнік можа набыць харчоў і сродкаў гігіены на адзін мільён рублёў. Мяркуецца, што за лістапад-сьнежань у Віцебскай вобласьці будзе выдадзена ўсяго 600 ваўчараў.
Віцебская апазыцыя дамагаецца зьмены рашэньня гарвыканкаму № 881
Прадстаўнікі палітычных партыяў і грамадзкіх арганізацыяў зьвярнуліся ў Віцебскі гарадзкі савет дэпутатаў з прапановай даручыць гарвыканкаму ўнесьці зьмены ў сваё рашэньне ад 10 ліпеня 2009 году № 881 «Аб масавых мерапрыемствах у горадзе Віцебску». Зварот падпісалі мясцовыя кіраўнікі партыі БНФ, Беларускай партыі левых «Справядлівы сьвет», Аб’яднанай грамадзянскай партыі і руху «За свабоду».
Праваслаўны архіяпіскап Полацкі і Глыбоцкі ўручыў царкоўную ўзнагароду старшыню Глыбоцкага райвыканкаму
Мэдаль «У памяць 1000-годзьдзя скону сьвятога роўнаапостальнага вялікага князя Ўладзімера» ўведзены Ўказам Найсьвяцейшага Патрыярха Маскоўскага і ўсяе Русі Кірыла ад 6 лiстапада 2014 году. Мэдаль мае адну ступень. Ёю ўзнагароджваюцца архірэі і клірыкі, манахі, а таксама дабрачынцы, дзяржаўныя і грамадзкія дзеячы, якія зрабілі значны ўнёсак ва ўмацаваньне духоўнасьці ў грамадзтве.
Мадэрнізацыя «Віцебскдрэву» скончылася стратай рынкаў збыту
«Віцебскдрэў», якому банкі адмаўляюць у крэдытаваньні, просіць садзейнічаньня ўраду. Генэральны дырэктар ААТ Анатоль Юхнавец зьвярнуўся з такой просьбай да першага намесьніка прэм'ер-міністра Васіля Мацюшэўскага, які правёў 11 сьнежня ў Віцебску выязны прыём. Пра гэта паведамілі ў прэс-службе ўраду.
Рабочы аршанскага заводу «Легмаш» загінуў проста ля станка
Няшчасьце адбылося ў пятніцу 11 сьнежня каля 10 гадзін раніцы. Рабочы пэнсійнага веку 1951 года нараджэньня працаваў за такарным станком. У нейкі момант зь незразумелых пакуль прычын галаву работніка зацягнула элемэнтамі станка, якія вярцеліся, што прывяло да сьмерці. Прычыны здарэньня высьвятляюцца.
На месцы распаўсюду незалежных СМІ зрабілі пандус, карыстацца якім немагчыма
Гэтым пандусам ня зможа скарыстацца чалавек у інвалідным вазку, кажа віцяблянін Барыс Хамайда. Ён не выключае, што такім чынам было вырашана пазбавіцца ад ягонай прысутнасьці.