Дэлегаты Віцебскай абласной канфэрэнцыі БСДП выбралі новага кіраўніка арганізацыі
Справаздачна-выбарная канфэрэнцыя Віцебскай абласной арганізацыі Беларускай сацыял-дэмакратычнай партыі (Грамада) прайшла 27 лістапада ў абласным цэнтры. У працы канфэрэнцыі ўзяў удзел генэральны сакратар БСДП Мечыслаў Грыб.
“Партызан” прэзэнтаваў у Віцебску ўкраінскі “Ленінапад” і “БЕЛ-79” Вольгі Прусак
Арт-праект pARTisan сумесна з паблікам “Маладое кіно” зладзілі ў Віцебску паказ дакумэнтальных стужак маладых рэжысэраў з Украіны і Беларусі. “Ленінапад” Сьвятланы Шымко выклікаў вострую дыскусію. А дэбютны фільм віцяблянкі Вольгі Прусак “БЕЛ-79” атрымаў захапляльныя водгукі. Кінапрагляд адбыўся ў віцебскім арт-цэнтры VZAP.
“Пачаў з дробязі”. 22-гадовы айцішнік зь Віцебску спрабуе палепшыць жыцьцё ў Тарным
Пасьля навучаньня ў менскім БНТУ віцяблянін Артур Сядлуха вярнуўся ў родны горад і заўважыў, што жыцьцё ў раёне яго дзяцінства – пасёлку Тарным – не зьмянілася. Адчуваўся дыскамфорт. Малады інжынэр і вэб-распрацоўшчык ня зьбег ад праблем у цэнтар гораду, а паспрабаваў зьмяніць жыцьцёвае асяродзьдзе да лепшага – для сябе і для людзей…
У Глыбокім ушанавалі памяць ахвяраў гета
Мітынг з гэтай нагоды адбыўся 29 лістапада ў сувязі з прыездам у Глыбокае надзвычайнага і паўнамоцнага амбасадара Дзяржавы Ізраіль у Рэспубліцы Беларусь Алона Шогама.
У Віцебскай вобласьці да «зарплаты па 500 даляраў» не стае яшчэ 145 «зялёных»
У кастрычніку намінальная налічаная сярэдняя заработная плата ў Віцебскай вобласьці складала ўсяго 710 рублёў 10 капеек, або каля 355 даляраў ЗША.
З дырэктарам ЖКГ Полацку скасавалі кантракт праз злоўжываньні
8 лістапада з 39-гадовым дырэктарам КУП «ЖКГ г. Полацку» Андрэем Сідзюком, які таксама зьяўляецца дэпутатам Полацкага райсавету, скасавалі кантракт з дыскрэдытацыйных абставінаў.
У Мёрах забаранілі пікет «Стоп дзедаўшчына!»
На заяўку актывістаў АГП у Мёрах атрыманая адмова, пікет «Стоп дзедаўшчына – у войску і краіне!» улады правесьці не дазволілі. Патлумачылі гэта адсутнасьцю дамоваў зь міліцыяй, мэдыкамі і ЖКГ.
У Віцебску прайшоў Форум рэгіянальнага разьвіцьця
Форум рэгіянальнага разьвіцьця, арганізаваны грамадзкай кампаніяй “Гавары праўду”, сабраў 139 удзельнікаў з большасьці рэгіёнаў Віцебскай вобласьці. Мерапрыемства адбылося 25 лістапада. У яго межах прайшлі тры панэльныя дыскусіі па актуальных для Віцебшчыны сацыяльна-эканамічных праблемах.
“Ня ў тую краіну вы, спадарства, прыехалі…” Украінцы ня могуць знайсьці працу ў Віцебску
Грамадзяне Ўкраіны некалькі месяцаў безвынікова шукаюць хоць якую працу ў Віцебску. Маладая пара ў адчаі зьвярнулася па дапамогу ў сацыяльныя сеткі і атрымала безьліч саркастычных камэнтароў. Карыстальнікі раілі як мага хутчэй купляць зваротны білет: “тут сваіх абадранцаў хапае”. “Гэта ж у якой краіне трэба жыць, каб прыехаць у РБ на заробкі?..” – пішуць. Украінцы ж пакуль не здаюцца…
Суд у Віцебску: У неўключэньні Паўла Левінава ў выбарчую камісію парушэньня закону няма
У пятніцу, 24 лістапада, суд Кастрычніцкага раёну Віцебску разгледзеў скаргу групы грамадзян наконт неўключэньня праваабаронцы Паўла Левінава ў склад гарадзкой выбарчай камісіі па выбарах дэпутатаў у гарсавет. У выніку судовага разбору скарга не была задаволеная, перагляду рашэньня гарадзкіх уладаў ня будзе.