Каталіцкі сьвятар: Сьмяротнае пакараньне ня ставіць кропку на шляху зла…
У Сусьветны дзень супраць сьмяротнага пакараньня, што адзначаецца 10 кастрычніка, паразмаўлялі з пробашчам касьцёла сьвятога Антонія ў Віцебску Вячаславам Барком. На думку сьвятара, сёньня няма аніякіх аб’ектыўных прычын, якія б заміналі Беларусі адмовіцца ад пакараньня сьмерцю.
Грамадзянская супольнасьць Аршаншчыны – супраць сьмяротнага пакараньня
У межах кампаніі «Тыдзень супраць сьмяротнага пакараньня» ў вёсцы Стаўры, што пад Воршай, прайшла тэматычная дыскусія «Масавыя рэпрэсіі і сьмяротнае пакараньне». Партыйныя і грамадзкія актывісты Аршанскага рэгіёну, журналісты і праваабаронцы зь Менску і Віцебску, сваякі рэпрэсаваных і проста неабыякавыя грамадзяне абмеркавалі праблему сьмяротнага пакараньня ў Беларусі.
Сьмяротнае пакараньне: за ці супраць? Апытаньне
У межах тыдня супраць сьмяротнага пакараньня, які ладзіцца ў Беларусі з ініцыятывы праваабарончага цэнтру “Вясна” з 5 па 10 кастрычніка, мы правялі невялікую апытанку сярод віцебчукоў. “Асабіста вы – за альбо супраць сьмяротнага пакараньня”? На гэтае пытаньне адказалі выпадковыя мінакі на праспэкце Перамогі ў Віцебску.
Суды Віцебскай вобласьці ўжо 10 гадоў не выносяць сьмяротных выракаў
З 5 па 10 кастрычніка праваабарончая супольнасьць Беларусі ладзіць традыцыйны тыдзень супраць сьмяротнага пакараньня. І хаця Віцебская вобласьць зьяўляецца адзінай ў краіне, дзе цягам апошніх дзесяці гадоў ніводзін чалавек ня быў прысуджаны да найвышэйшай меры пакараньня, праблема сьмяротнага пакараньня стаіць тут ня менш востра, чымся ў іншых рэгіёнах.
Ці выступіць Віктар Каліна ў Віцебску? Адкажа пракуратура
Як мяркуюць віцябляне, дзейнасьць расейскага артыста супярэчыць нацыянальным інтарэсам РБ і мае ўсе прыкметы распальваньня міжнацыянальнай варажнечы. 4 кастрычніка грамадзяне зьвярнуліся з адпаведнай заявай у пракуратуру. Канцэрт Каліны ў горадзе заплянаваны на 23 кастрычніка.
Палітвязень Жамчужны: альбо ў «крытку», альбо ў ШЫЗА
На пачатку кастрычніка скончыўся месячны тэрмін знаходжаньня палітвязьня ў памяшканьні камэрнага тыпу (ПКТ, або «крытка»). І ён ня ведае, дзе будзе далей адбываць прызначаныя судом шэсьць з паловай гадоў зьняволеньня, зь якіх ён адседзеў ужо амаль палову.
Лідэрка АГП зь Віцебску змагаецца за ходнікі ля ліцэю
Старшыня Віцебскай гарадзкой арганізацыі Аб’яднанай грамадзянскай партыі Ірына Яскевіч зьвярнулася ў гарвыканкам і гарсавет з патрабаваньнем неадкладна прывесьці ў адпаведнасць з вымогамі ДАІ праход дзяцей да ліцэю №8.
Славамір Адамовіч у Віцебску: Кожны рэжым баіцца ня зброі, а баіцца ідэяў
Адзін зь першых беларускіх палітвязьняў, “брандмаўэр беларускага нацыяналізму” і падданы нарвэскага караля Харальда V-га паэт Славамір Адамовіч наведаў Віцебск, выступіў на “Фэсьце вышыванкі” і даў нам невялікае інтэрвію. Вытрымкі з прамовы і размовы публікуем на нашым сайце.
Палата прадстаўнікоў адмовілася правесьці парлямэнцкія слуханьні наконт дэкрэту №3
На даручэньне кіраўніцтва Палаты прадстаўнікоў Нацыянальнага сходу Рэспублікі Беларусь пастаянная камісія ПП па працы і сацыяльных пытаньнях разгледзела прапанову віцебскага праваабаронцы Леаніда Сьвеціка аб правядзеньні парлямэнцкіх слуханьняў наконт дэкрэту пра «дармаедаў». Вынікам гэтага разгляду стала адмова парлямэнту правесьці прапанаваныя слуханьні.
У Віцебску ўпершыню адбыўся “Фэст вышыванкі”
У арт-пабе Torvald у Віцебску 1 кастрычніка прайшоў “Фэст вышыванкі”. Імпрэза ладзілася ў нашым горадзе ўпершыню. Наведнікі набывалі кнігі, сувэніры, адзеньне з беларускім арнамэнтам, слухалі выступы вядомых пісьменьнікаў і выдаўцоў, згулялі нават у інтэлектуальную гульню. Выступоўцаў было багата, уваход – вольны.