Зьмітра Лупача зноў пакаралі за «Белсат»: першы штраф сёлета, і чатыры — летась
Гэтым разам справу супраць глыбоцкага журналіста распачалі міліцыянты з Пастаўскага РАУС. І Пастаўскі раённы суд пастанавіў пакараць Зьмітра Лупача штрафам у памеры 25 базавых велічынь, або 612 рублёў 50 капеек.
Кіраўнік ініцыятывы «Хайсы»: Гэтая ўлада прыраўнавала сябе да сталінскага рэжыму
Напрыканцы 2017 году былі абвешчаныя ляўрэаты дзявятай прэміі «Чэмпіёны грамадзянскай супольнасьці», заснаванай Асамблеяй няўрадавых дэмакратычных арганізацыяў. Сярод тых, хто атрымаў узнагароды, аказалася і віцебская грамадзкая ініцыятыва «Хайсы», якая стала ляўрэатам у намінацыі «Новая ініцыятыва». З гэтай нагоды карэспандэнт «Віцебскай Вясны» сустрэўся з кіраўніком арганізацыі Янам Дзяржаўцавым.
“ЖРЭТ жарэ грошы арандатараў”. Як фірма “Грааль” змагаецца за памяшканьне ў Віцебску
Жыхары дому па вуліцы Калініна, 24 ў Віцебску і працаўнікі кравецкай майстэрні “Грааль”, якая разьмяшчаецца ў гэтым доме, сьцьвярджаюць, што дзяржаўнае прадпрыемства “ЖРЭТ г. Віцебску” незаконнымі мэтадамі адбірае ў іх памяшканьне. “Тут сутыкнуліся закон і самавольства. І самавольства пакуль дамінуе”, – пішуць грамадзяне.
Леанід Шур: як палепшыць умовы дзейнасьці прадпрымальнікаў у 2018 годзе?
Дырэктар Віцебскага бізнэс-цэнтру Леанід Шур прапануе ў сваім допісе ўвесьці падатковыя канікулы для прадпрымальнікаў-навічкоў, замяніць чыноўнікаў на бясплатныя чат-боты – для зручнасьці інвэстараў, і зрабіць ангельскую мову трэцяй дзяржаўнай мовай. Ці пацяплее бізнэс-клімат на Віцебшчыне і ва ўсёй Беларусі ў 2018 годзе?
На рэканструкцыю вуліцы Леніна і пашырэньне могілак “Копці”. Куды пойдуць бюджэтныя грошы ў 2018-м?
Віцебскі гарсавет зацьвердзіў інвэстыцыйную праграму гораду Віцебску на 2018 год. Рашэньне аб зацьверджаньні апублікаванае 4 студзеня. Праграма прадугледжвае выдаткаваньне з гарадзкога бюджэту 33 млн. 640 тыс. рублёў на будаўніцтва і рэканструкцыю аб’ектаў камунальнай уласнасьці. Куды пойдуць грошы?
Выбары ў Віцебску: участковыя камісіі сфармаваныя па старых лякалах
Раённыя адміністрацыі Віцебску завяршылі фармаваньне складаў участковых камісій па выбарах дэпутатаў гарадзкога Савету дэпутатаў дваццаць восьмага скліканьня. Неўзабаве камісіі пачнуць працаваць, а зарэгістраваныя кандыдаты ў дэпутаты зоймуцца агітацыяй.
Гарвыканкам ня хоча зьмяняць транспартныя схемы для Тарнага: і без таго 244 тыс. рублёў стратаў
Жыхары мікрараёну Тарны зьвярнуліся ў Віцебскі гарвыканкам з просьбай палепшыць транспартныя зносіны з цэнтрам гораду. Прасілі, каб аўтобусы №№ 15, 49 і 37 заяжджалі ў Тарны. Улады адмовілі, спаслаўшыся на вялікія фінансавыя страты і нямэтазгоднасьць.
Ці накрыла радыеактыўная хмара Віцебшчыну?
Пасьля таго як сусьветныя мэдыі абышла навіна пра зьяўленьне ў паветры шмат якіх краінаў Эўропы радыеактыўнага ізатопу рутэнію-106, віцебскі праваабаронца Леанід Сьвецік зьвярнуўся ў шэраг дзяржаўных ведамстваў, каб высьветліць, якія захады гэтыя ведамствы зрабілі, каб мінімізаваць наступствы радыяцыйнага заражэньня мясцовасьці.
З Новым годам!
Рэдакцыя «Віцебскай вясны» віншуе ўсіх нашых дарагіх чытачоў з Новым 2018-м годам! Дзякуй, што вы былі з намі цягам ўсяго 2017-га, за цікавасьць да нашых публікацыяў, за камэнтары, за звароты да нас, за часам крытычныя заўвагі ў наш адрас.
Крыж ва ўшанаваньне памяці ахвяраў нацызму зрушылі вандалы? Не, – ЖКГ!
Зьнікненьне крыжа ў памяць расстраляных ваеннапалонных, партызанаў і мірных грамадзянаў узрушыла жыхароў вёскі Бараўляны, што ў Віцебскім раёне. Старэйшына вёскі Юлія Ісачанка пачала шукаць тых, хто спрычыніўся да дэмантажу памятнага знаку. Высьветлілася: крыж зьнялі рабочыя ЖКГ Віцебскага раёну падчас выдаленьня зь мясцовых могілак вялікіх дрэваў.