Уплаў да крамы? Браслаўчане скардзяцца на вялізную лужыну на вуліцы
Вось такое «возера» даводзіцца пераадольваць жыхарам мікрараёна турбазы, каб патрапіць у краму. Раскінулася яно на скрыжаванні вуліцы Набярэжнай з завулкам Турыстычным у Браславе.
Грамадскае аб’яднанне “Рускі дом” працягвае сваю дзейнасць на Віцебшчыне
Паводле справаздачы аб’яднання, яно налічвае 17 чалавек і правяло ў 2021 годзе 49 мерапрыемстваў. Арганізацыя паведамляе, што кіруючы орган - Дума грамадскага аб’яднання “Рускі дом” знаходзіцца ў Віцебску, і пра тое што не мае грашовых паступленняў ад замежных дзяржаваў і міжнародных арганізацый.
За «экстрэмізм» улады Лёзна пакаралі штрафам жыхарку Мінска
Суддзя суда Лёзненскага раёна Аляксей Лапушынскі за распаўсюджванне "экстрэмізму" ў сацыяльнай сетцы пакараў штрафам у памеры 999 рублёў работніцу сталічнай гандлёвай сеткі Кацярыну Крывічэнку. Па просьбе жанчыны разбіральніцтва адміністрацыйнай справы прайшло ў яе адсутнасць.
Глыбоцкі пракурор падчас сустрэчы з працоўнымі калектывамі вінаваціў ЗША і “краіны калектыўнага Захаду”
Пракурор Глыбоцкага раёна Валерый Дайлідзёнак пабываў у працоўных калектывах двух найбуйнейшых прадпрыемстваў Глыбокага - малочна-кансервавым камбінаце і мясакамбінаце. Падчас сустрэчаў ён распавядаў прысутным пра генацыд беларускага народа ў гады Другой сусветнай вайны.
Уладзіміра Андрэйчанку абвясцілі Ганаровым грамадзянінам Віцебска
Шмат для каго з жыхароў горада гэта стала сюрпрызам. Тым болей, што ў абвестцы на сайце гарвыканкама напісана, нібыта пра наданне Андрэйчанку гэтага статусу «хадайнічалі працоўныя калектывы абласнога цэнтра мясцовыя філіялы газавай і энэргетычнай гаспадаркі, філіял «Белтэлекама», кандытарская фабрыка «Віцьба». А падставай для ўшанавання былога старшыні аблвыканкама, 74-гадовага Уладзіміра Андрэйчанкі стаў «высокі прафесіяналізм, значны ўнёсак і дзяржаўнае будаўніцтва і сацыяльна-эканамічнае развіццё горада і вобласці».
За распаўсюджванне «экстрэмізму» ў сацсетках ўлады арыштавалі жыхарку Наваполацка
Суддзя суда Наваполацка Зінаіда Балаболава 7 верасня за распаўсюджванне ў відэахостынгу і сацыяльнай сетцы інфармацыі «экстрэмісцкага» зместу пакарала арыштам на 15 сутак працаўніцу завода «Палімір» Алену Марцанюк.
Чаго нельга педафілу, тое можна хулігану?
У Полацку на прыпынку грамадскага транспарту па вуліцы Калініна незвярозы грамадзянін заляцаўся да малалетняй дзяўчынкі – спрабаваў абняць, лез цалавацца. На думку суддзі Яніны Марцулевіч, гэтым ён «выразіў непавагу да грамадскасці». Яна пакарала жыхара Полацка самым найменшым штрафам – 2 базавыя велічыні, прызнаўшы яго вінаватым у дробным хуліганстве паводле арт. 19.1 КаАП.
Супрацоўнікам «Нафтана», затрыманым падчас «хапуну» 17 кастрычніка, прысудзілі арышты
Стала вядома, што справы прынамсі трох затрыманых разбірала 18 кастрычніка «знакамітая» суддзя Наваполацкага гарадскога суда Зінаіда Балаболава. Напярэдадні некалькі чалавек трапілі пад міліцэйскі «хапун» проста на прахадной, допіс пра гэта 17 кастрычніка размясціў адзін з прыватных Тэлеграм-каналаў, які сочыць за навінамі «Нафтана». Колькасць затрыманых там не была ўказана, але на сённяшні дзень вядома прынамсі пра трох пакараных арыштамі.
За пікет і «экстрэмізм» улады аштрафавалі ксяндза з Новалукомля
Суддзя суда Чашніцкага раёна Ганна Смірнова 27 кастрычніка за распаўсюджванне “экстрэмізму” і правядзенне масавага мерапрыемства ў сацыяльнай сетцы пакарала штрафам у памеры 1850 рублёў ксяндза Мікалай Ліпскі, які служыць у касцёле Святой Марыі Магдалены ў Навалукомлі Чашніцкага раёна.
У Браславе гаварылі пра карупцыю і хабарніцтва
У Браслаўскай цэнтральнай раённай лякарні прайшоў так званы адзіны дзень інфармавання насельніцтва. Перад прысутнымі медыкамі выступіў намеснік пракурора Браслаўскага раёна Сяргей Гарбус і расказаў прысутным пра забеспячэнне законнасці і правапарадку на Браслаўшчыне.