Судзьдзі пакінулі без задавальненьня касацыйную скаргу старшыні суполкі незалежнага прафсаюзу Віктара Стукава. Той спрабаваў абскардзіць пастанову Полацкага гарадзкога суду, які пацьвердзіў слушнасьць звальненьня актывіста з прадпрыемства “Полацак-Шкловалакно”. На паседжаньні, якое прайшло 3 чэрвеня, судовая калегія вырашыла, што Полацкі гарсуд вынес справядлівую пастанову пра законнасьць звальненьня кіраўніка пяршоўкі СПБ.

«Віцебску» не даюць нармальна трэніравацца на палёх мясцовага Цэнтральнага спарткомплексу. Каб трапіць на заняткі, гульцам нават прыходзілася пералазіць праз плот… Па заканчэньні трэніроўкі каманду могуць бесцырымонна выгнаць з поля. Умовы пражываньня нагадваюць пакоі ў савецкім піянэрлягеры ў найгоршым сэнсе гэтага паняцьця. Больш падрабязна пра гэта распавялі капітан каманды Аляксей Халецкі, а таксама вядомы футбольны агент Валер Ісаеў, які падтрымлівае клюб.

Па сканчэньні чатырох месяцаў з моманту ўзбуджэньня крымінальнай справы па факце зьбіцьця сябра партыі БНФ Аляксея Гудзіліна ён зьвярнуўся ў сьледчы камітэт, каб даведацца, як ідзе расьсьледаваньне справы. Высьветлілася: справу пасьпелі прыпыніць, прычым афіцыйна праінфармаваць пра гэта пацярпелага чамусьці не палічылі патрэбным. Затое літаральна на наступны дзень пасьля накіраваньня звароту ў СК была прынятая пастанова аб аднаўленьні справы, надоечы актывіст атрымаў адпаведнае паведамленьне.

Пракурор Віцебскай вобласьці, прапанаваў увесьці канфіскацыю маёмасьці людзей, якія ня могуць растлумачыць, за якія грошы набытыя дарагія дамы і машыны. За 4 месяцы гэтага году ў Віцебскай вобласьці зьдзейсьнена 149 злачынстваў карупцыйнай накіраванасьці. Больш за палову зь іх - хабары.

Распавёў дырэктар аднаго з прадпрыемстваў Ушацкага раёну: “На гэтым тыдні ўсім арганізацыям гораду прыйшло распараджэньне з райвыканкаму: нават не спытаўшы згоды, нас замацавалі за жывёлагадоўчымі фэрмамі і прымушаюць штодня адпраўляць сваіх людзей у гаспадаркі і наводзіць парадак. Мы ўжо адпрацавалі там некалькі дзён, але зараз прыйшла тэлефанаграма, што 10-15 чалавек павінны прыехаць яшчэ і ў выходныя. У мяне язык не паварочваецца сказаць пра гэта сваім супрацоўнікам, якія і так увесь тыдзень на мяжы сіл працуюць. Людзям трэба даць адпачыць”.

Зьезд аб’яднаньня сябраў аргкамітэту па стварэньні партыі “Беларуская хрысьціянская дэмакратыя” Віцебшчыны быў ледзь не сарваны, пасьля таго як прадстаўнікі з вобласьці ня змаглі даехаць у Віцебск. Іх выклікалі на працы ў выходны дзень, паведаміў сустаршыня БХД Віталь Рымашэўскі:

«Беларускі Хэльсынскі камітэт» і праваабарончы цэнтар «Вясна» выступілі з сумеснай заявай, у якой заклікаюць зрабіць адкрытым працэс над Андрэем Гайдуковым. Актывіста вінавацяць у здрадзе дзяржаве. Крымінальная справа накіраваная ў Віцебскі абласны суд.

У КУСП «Кашчынскае» Чашніцкага раёну мала таго, што пэрыядычна затрымліваюць выплату заработнай платы, дык і часткова выдаюць яе натуральнымі прадуктамі - дарагой кілбасой, тушанінай і нават фаршам. Пра гэта стала вядома, калі на гарачую лінію падчас маніторынгу працы выканаўчых і распарадчых ворганаў са зваротамі грамадзян і юрыдычных асоб у Чашніцкім раёне да старшыні Камітэту дзяржкантролю Рэспублікі Беларусь Аляксандра Якабсона датэлефанавалася працаўніца гаспадаркі Марыя Чарвінская.

З 31 траўня па 2 чэрвеня ў Віцебску праходзіць габрэйская міжнародная адукацыйна-культурна-забаўляльная канфэрэнцыя «Арт-Лімуд Беларусь». Гэткая канфэрэнцыя адбываецца ўпершыню ў Беларусі. Яна зарганізаваная ў межах міжнароднага адукацыйнага праекту «Лімуд-СНД» для габрэйскай моладзі краін былога СССР.

Старшыня Віцебскай абласной рады партыі БНФ Леанід Аўтухоў атрымаў адказ на свой зварот на імя губэрнатара Аляксандра Косінца наконт захаваньня гісторыка-культурнай спадчыны ў мястэчку Смаляны пад Воршай. Як вынікае з адказу за подпісам намесьніка старшыні аблвыканкаму Ўладзімера Цярэнцьева, з трох просьбаў, выказаных у звароце, улады вобласьці вырашылі задаволіць толькі адну.