У Віцебску прайшоў пазачарговы выбарны сход партыі БНФ
У парадку дня пазачарговага выбарнага сходу Віцебскай гарадзкой арганізацыі партыі БНФ значылася: выбары гарадзкога кіраўніка, выбары сябраў гарадзкой рады, а таксама выбары дэлегатаў на 18-ы зьезд партыі, які павінен адбыцца 30 верасьня 2017 году ў Менску.
Жыгулову паведамілі, што ягоны сын, зьніклы ў 1998 годзе, быў застрэлены. Справу спынілі
Віцебскі журналіст Уладзімер Жыгулоў атрымаў пастанову са Сьледчага камітэту аб спыненьні справы па факце невядомага зьнікненьня ў 1998 годзе ягонага сына Аляксандра. З пастановы вынікае, што на момант, калі распачыналі справу, “Аляксандар Жыгулоў не зьяўляўся бязь вестак зьніклым, бо загінуў у выніку зьдзейсьненага супраць яго злачынства, прадугледжанага ч. 1 арт. 139 КК РБ (наўмыснае забойства)”.
У Віцебску грамадзкія актывісты працягваюць змагацца супраць пляцоўкі для сабакаў
Жыхары дамоў №7, корпус 1 і корпус 2, што па вуліцы Чкалава, сустрэліся з чыноўнікамі ў Віцебскім аблвыканкаме, каб яшчэ раз агучыць ім свае прэтэнзіі і даведацца, якім чынам улады зьбіраюцца вырашаць праблему пляцоўкі для выгулу сабакаў. Сустрэча адбылася 20 верасьня.
Віцебскія рухаўцы рыхтуюцца да ўдзелу ў мясцовых выбарах
16 верасьня у Віцебску прайшла партыйная школа руху “За свабоду”. Удзельнікі навучаньня праслухалі прамову кіраўніка руху Юрася Губарэвіча ды выступы адмыслоўцаў, што да працы актывістаў руху са СМІ і ў сацыяльных сетках падчас мясцовых выбараў, якія, як мяркуецца, адбудуцца ў Беларусі 18 лютага 2018 году.
Віцебскія “Крылы Анёлаў” ужо ў другі раз бягуць вакол сьвету. А бегавых вазкоў ня маюць…
Калі ў кастрычніку 2016 году стваралася каманда, мелі на мэце пераадолець агульны кілямэтраж экватару (40 тыс. км з гакам). Але менш як за год прабеглі ажно 43 тыс. км і пайшлі на другі заход вакол сьвету. Было б і болей, але камандзе бракуе адмысловых бегавых вазкоў для асаблівых дзетак-анёлаў.
З пачуцьцём падманутасьці. Віцебскія беспрацоўныя – пра гарадзкія “кірмашы вакансіяў”
Віцебскі цэнтар занятасьці ладзіць у горадзе восеньскія “ярмарки вакансий”. На мінулым тыдні яны прайшлі ў Першамайскім і Чыгуначным раёне, на гэтым – адбудзецца ў Кастрычніцкім (21 верасьня). Кірмашы вакансіяў ладзяцца на фоне дзівосна нізкага ўзроўню беспрацоўя ў горадзе – 0,9%. Людзі афіцыйным лічбам ня вераць...
Кастрычніцкі суд Віцебску спыніў адміністрацыйную справу супраць доктара Пастнова
Віцебскага доктара-праўдаруба Ігара Пастнова абвінавачвалі ў непадпарадкаваньні супрацоўніку міліцыі (арт. 23.4 КаАП РБ) падчас інцыдэнту 4 верасьня, калі Пастнова гвалтам вывезьлі з будынку сьледчага камітэту на псыхіятрычную экспэртызу ў Навінкі. 15 верасьня судзьдзя Кастрычніцкага раёну Віцебску Ільля Белавус вынес рашэньне скасаваць справу. Падстава – адсутнасьць складу правапарушэньня.
Без апахмелкі… У Віцебску прэзэнтавалі кнігу пра беларускі алькаголь
Кухмістар Верашчака, ён жа вядомы гісторык і культуроляг Алесь Белы, прэзэнтаваў 13 верасьня ў Віцебску сваю новую кнігу «Сакатала бочачка» - “праўдзівую гісторыю нашых напояў”. Кніга мае на мэце ня толькі прынесьці асалоду, але й вярнуць беларусам памяць і права на старку, крупнік ды зуброўку. Прэзэнтацыя прайшла ў арт-пабе “Торвальд”.
Полацак: Прафсаюзу забаранілі пікет. Лідэры прафсаюзу абскардзяць забарону
Полацкі раённы выканаўчы камітэт адмовіў прадстаўнікам Свабоднага прафсаюзу Беларускага (СПБ) ў правядзеньні пікету 16 верасьня. Прадстаўнікі прафсаюзу заявілі, што такое рашэньне выканкаму парушае правы грамадзян, і што яны зьбіраюцца абскарджваць забарону на пікет у судзе.
Віцебскі абласны суд пачуў аргумэнты праваабаронцы. Але ня ўсе...
Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.