Навучэнец аднаго зь ліцэяў Віцебску езьдзіў на грамадзкім транспарце бясплатна па фальшывай даведцы са школы. У лютым 2020 году хлопец трапіў на пільную кандуктарку, якая заўважыла, што адрас школы на паперцы не супадаў з рэальным. У дачыненьні ліцэіста распачатая крымінальная справа паводле ч.1 арт. 380 КК РБ, паведамілі ў Сьледчым камітэце.

Віцебскі праваабаронца Леанід Сьвецік зьвярнуўся да гарадзкіх уладаў з прапановай зрабіць тэрміновыя і неадкладныя захады карантыннага характару ў сувязі з пандэміяй каронавірусу. У прыватнасьці – аб’явіць карантын ва ўсіх навучальных установах Віцебску, забараніць правядзеньне масавых мерапрыемствах з удзелам больш за 20 чалавек, адкрыта і праўдзіва інфармаваць грамадзян аб санітарнай абстаноўцы.

Прапанова ўвесьці абавязковае анкетаваньне бацькоў будучых першаклясьнікаў для вызначэньня мовы навучаньня іх дзяцей прагучала 5 сакавіка на сходзе Віцебскай гарадзкой арганізацыі «Таварыства беларускай мовы імя Францішка Скарыны» (ТБМ). З гэтай прапановай сябры арганізацыі зьвернуцца ў гарадзкі аддзел адукацыі.

Бацькі і сваякі асуджаных паводле “наркатычнага” артыкулу 328 разам з настаўнікамі і вучнямі віцебскай СШ №24 высадзілі за гіпэрмаркетам “Карона” ў Віцебску бярозавую алею.

Дырэктара адной са школаў Першамайскага раёну Віцебску падазраюць у тым, што ён пасылаў настаўнікаў працаваць на лецішчы блізкай сваячкі. У дачыненьні да службовай асобы распачалі крымінальную справу паводле ч. 2 арт. 424 КК Рэспублікі Беларусь (Злоўжываньне ўладай ці службовымі паўнамоцтвамі), паведамляе прэс-служба УУС аблвыканкаму.

Пракуратура гораду Віцебску правяла ў верасьні праверку і прыйшла да высновы, што большасьць гарадзкіх школ не забясьпечаныя лыжамі і адпаведнай экіпіроўкай. Аддзелы адукацыі кінуліся выпраўляць недахопы. У школы Першамайскага раёну Віцебску набываюць лыжаў ды канькоў на 270 тыс. рублёў.

Начальнік упраўленьня адукацыі Віцебскага аблвыканкаму Дзьмітры Хома паведаміў “Віцебскай вясьне”, што кіраўніцтва вобласьці падтрымала ідэю стварэньня ў горадзе школы з беларускай мовай навучаньня. Але дзе і калі яна будзе адчыненая – пакуль невядома. “Яшчэ рана казаць пра канкрэтныя даты”, – гаворыць.

У Беларусі завяршылася чарговая электаральная кампанія. Сумняваючыся ў сумленнасьці і справядлівасьці працэсу, многія жыхары краіны даўно ўжо ставяцца да такіх палітычных падзеяў зь недаверам, а часам і зь непрыхаваным абурэньнем.

У Камітэце дзяржаўнага кантролю Віцебскай вобласьці агучылі вынікі праверкі ААТ «Полацак-гандаль», якое абслугоўвае ў Полацку 15 установаў адукацыі – амаль 8,5 тысячы чалавек.

Некалькі разоў на дзень жыхары віцебскага мікрараёну ДСК вымушаныя пераадольваць своеасаблівую паласу перашкод, якую ўяўляе сабой ходнік на скрыжаваньні вуліц Горкага і Сацыялістычнай. Вузкі, няроўны, пабіты калдобінамі. Перад самым аўтобусным прыпынкам упінаецца ў слуп. Трэба сыходзіць на праезную частку…