Цягам больш за дзясятак гадоў гарадзкія ўлады забаранялі грамадзянскім і палітычным актывістам праводзіць у Віцебску масавыя мерапрыемствы. Забаранялі нават тады, калі актывісты згаджаліся на правядзеньне гэтых мерапрыемстваў у месцах, якія адміністрацыі раёнаў вызначылі паводле рашэньня №881 ад 10 ліпеня 2009 году.

Былая кандыдатка у прэзыдэнты краіны Тацяна Караткевіч 9 ліпеня наведала Віцебск. Мэта яе візыту ў паўночную сталіцу – падтрымка мясцовых удзельнікаў грамадзянскай кампаніі «Гавары праўды» падчас збору подпісаў дзеля вылучэньня іх кандыдатамі ў дэпутаты Палаты прадстаўнікоў Нацыянальнага сходу Рэспублікі Беларусь.