Ноу-хаў тэлефонных махляроў: жыхара Віцебска напалохалі крымінальнай справа за здраду Радзіме і знялі ўсе грошы з картак
З7-гадоваму прарабу адной з буйных будаўнічых арганізацый у мэсэнджэры патэлефанавала невядомая жанчына, якая назвалася «дазнаўцам спецслужбы». Мужчыну не збянтэжыла, што да яго тэлефануюць ад імя дзіўнай структуры, і ён працягнуў размову. Жанчына заявіла, што ў дачыненні да віцябляніна распачата крымінальная справа за здраду Радзіме, бо з яго рахунку нібыта адпраўлена буйная сума на фінансаванне Узброеных сіл Украіны. І што цяпер ён мусіць давесці, што гэтага не рабіў, выконваючы далейшыя ўказанні. У выніку мужчына страціў усе грашовыя сродкі, якія былі на ягоных банкаўскіх картак.
Новыя змены ў Крымінальны кодэкс дазволяць уладам эфектыўна змагацца з іншадумцамі
Дэпутаты Палаты прадстаўнікоў у першым чытанні прынялі праект закона "Аб змене кодэксаў па пытаннях крымінальнай адказнасці". Таксама, дэпутаты ўхвалілі смяротнае пакаранне за здраду дзяржаве для службовых асоб і вайскоўцаў, а паводле аналогіі з расійскім заканадаўствам уводзіцца пакаранне за дыскрэдытацыю войска. Праваабаронцы лічуць, што такім чынам улады працягваюць змагацца з самымі малымі праявамі нелаяльнасці і іншадумства.
Паэта і барда Георгія Станкевіча затрымалі, каб дапытаць пра рух «За Свабоду»
22 лістапада а 7-й раніцы да Георгія Станкевіча ў вёску Старыя Ранчыцы Бешанковіцкага раёну прыехалі міліцыянты. Вядомага ў рэгіёне паэта, барда і рэдактара незалежнага сайта beshankovichi.by павезлі ў райцэнтр, каб правесці ператрус у ягонай кватэры. Сам спадар Георгій стала жыве ў вёсцы, і ў кватэры ягоных рэчаў практычна няма. Аднак міліцыянты пільна агледзелі пустыя пакоі, і, не знайшоўшы нічога, пачалі распытваць гаспадара пра рух «За Свабоду».
Былы юрысконсульт ААТ «Нафтан» Аляксандр Капшуль абвінавачваецца па трох крымінальных артыкулах
Днямі КДБ скончыў расследаваць справу «Рабочага руху», у якім, на думку ўладаў, прымаў удзел і Капшуль. Па версіі следства, у дзеяннях Аляксандра праглядваюцца прызнакі злачынстваў: па ч.2 арт. 295 КК (Незаконныя дзеянні ў адносінах да агнястрэльнай зброі), ч.1 арт. 356 КК (Здрада дзяржаве), ч.3 арт.361-1 КК (Стварэнне экстрэмісцкага фарміравання і ўдзел у ім). Цяпер былы юрысконсульт знаходзіцца ў СІЗА КДБ. У бліжэйшы час, матэрыялы справы будуць перададзеныя ў пракуратуру, а адтуль у адзін з мінскіх судоў.
У звароце актывіста па гуманітарную візу міліцыянты ўбачылі «здраду Радзіме»
Аршанскі актывіст Сяргей Мярненка вымушаны быў тэрмінова пакінуць Беларусь праз тое, што спецслужбы атрымалі здымак ягонага ліста ў візавы цэнтр Рэспублікі Польша ў Магілёве і палохалі яго крымінальным артыкулам, які прадугледжвае смяротнае пакаранне.
Павал Севярынец: Лукашэнка ўзяў закладнікаў на кожным фронце
Аляксандар Лукашэнка разьлічвае, што арышт ксяндза Лазара прымусіць Ватыкан «адкрыць» Эўропу беларускаму рэжыму. Такое меркаваньне выказаў палітвязень Павал Севярынец, камэнтуючы абвінавачваньне ксяндза Лазара ў здрадзе дзяржаве: «Для сёньняшняга рэжыму царква ў цэлым - гэта чужая сіла і пагроза. А кошт тых абвінавачаньняў, якія фабрыкуюцца ў турме КДБ, мы добра ведаем і ня верым ні сьледзтву, ні працэсам у духу сталінскіх часоў».