Суддзя суда Першамайскага раёна Віцебска Міхаіл Юрчанка за прапаганду нацысцкай сімволікі пастанавіў арыштаваць на 15 сутак рабочага з прафесійна-тэхнічнай адукацыяй Вадзіма Пыльскага.

Суддзя суда Браслаўскага раёна Аляксандр Вязіцкі 30 лістапада за распаўсюд у сацыяльнай сетцы інфармацыйныя матэрыялы «экстрэмісцкага» характару арыштаваў на 10 сутак пакавальніка-фасоўшчыка, бацьку трох малалетніх дзяцей Аляксандра Шаршнёва.

Суддзя суда Аршанскага раёна і Оршы Мікалай Драгуноў 5 снежня за захоўванне ў сацыяльнай сетцы «экстрэмісцкіх» публікацый арыштаваў на 8 сутак мясцовага жыхара бацькі двух непаўналетніх дзяцей беспрацоўнага Уладзіміра Мяжуева.

Пра затрыманне пастара Аляксандра Герасімовіча і царкоўнага служку Вадзіма Сафонава, а таксама пра тое, што ім, найверагодней, інкрымінаваны распаўсюд так званых «экстрэмісцкіх» матэрыялаў, паведаміла «Хрысціянская візія». Тэлеграм-канал паведамляе, што на мінулым тыдні ў наваполацкіх цэрквах праводзілі прыверку, іншых падрабязнасцяў пра гэта пакуль няма.

Суддзя суда Глыбоцкага раёна Аляксандр Аляксеенка 28 лістапада за лайкі ў сацыяльнай сетцы пад «экстрэмісцкімі» публікацыямі арыштаваў на 8 сутак глыбоцкага працоўнага ўраджэнец Камсамольскага раёна Хабараўскага краю Расіі Арцёма Крыўко.

Суддзя суда Дубровенскага раёна Ігар Татаеў 29 лістапада за падпіску ў сацыяльнай сетцы на «экстрэмісцкую» супольнасць пастанавіў арыштаваць на адныя суткі бацьку чатырох непаўналетніх дзяцей трактарыста-машыніста Сяргея Каўбасава.

Як стала вядома, 20 лістапада ў Глыбокім судзілі ўраджэнку Прыморскага краю Расіі, якая ўжо шмат год жыве ў Беларусі, Алену Крыўко.

Суддзя суда Міёрскага раёна Ірына Яскевіч 24 лістапада за распаўсюд «экстрэмісцкіх» публікацый у сацыяльнай сетцы пастанавіла арыштаваць на чацвёра сутак беспрацоўнага мясцовага жыхара былога начальніка аддзела рэалізацыі і маркетынгу Міёрскага мясакамбіната Анатоля Мізера.

У апошні дзень лістапада стала вядома пра затрыманні Анатоля Трубкіна і Інэссы Ворыхавай. 66-гадоваму Анатолю Трубкіну, бацьку Аляксея Трубкіна, які з 2006 года жыве ў Польшчы, 1 снежня прысудзілі арышт, не зважаючы на стан ягонага здароўя: ён інвалід па зроку, хварэе на дыябет, а нядаўна перанёс інсульт. Напярэдадні сілавікі правілі ператрус у ягонай кватэры, з 30 лістапада мужчына знаходзіцца за кратамі. Пра тое, у чым менавіта яго звінавацілі, звестак пакуль няма.

Суддзя суда Міёрскага раёна Ірына Яскевіч за падпіску ў сацыяльнай сетцы на «экстрэмісцкае» СМІ пастанавіла арыштаваць на трое сутак галоўны ветурача раёна Аляксандра Кезіка.