Адразу 6 судоў пройдуць у Полацку і Наваполацку – за пікет каля Сафійскага сабору
Адразу шасьцёх актывістаў “Народнай грамады” будуць судзіць 24 студзеня ў Полацку і Наваполацку за пікет, на якім яго ўдзельнікі выказаліся ў падтрыму незалежнасьці Беларусі. Акцыя адбылася 4 студзеня 2020 году каля Сафійскага сабору ў Полацку. Справы пікетоўцаў будуць разглядаць гарадзкія суды Полацку і Наваполацку.
Полацкія ўлады адмовілі грамадзянам у правядзеньні мітынгу 26 сакавіка
Полацкі райвыканкам забараніў праводзіць мітынг на плошчы гораду 26 сакавіка а 12-й гадзіне. Заяўку на мерапрыемства падаваў жыхар гораду Яўген Парчынскі. Пра адмову задаволіць заяўку чыноўнікі райвыканкаму паведамілі Яўгену наўпрост у залі выканкаму падчас разгляду гэтай заяўкі. Пісьмовая забарона выдадзеная Парчынскаму за подпісам намесьніка старшыні райвыканкаму.
Наваполацкія сацыял-дэмакраты падалі заяўку на пікет па сацыяльных пытаньнях
У Наваполацкі гарвыканкам зьвярнуўся мясцовы актывіст Міхаіл Біёнчык, але ў падрыхтоўцы акцыі зьбіраюцца ўдзельнічаць некалькі тутэйшых прадстаўнікоў дэмакратычных сіл. Пікет мяркуецца правесьці 7 траўня.
Наваполацкі актывіст аштрафаваны на 7,5 мільёнаў рублёў (відэа)
Наваполацкі суд 28 жніўня вынес рашэньне аштрафаваць грамадзянскага актывіста Яўгена Парчынскага. Памер штрафу склаў 7,5 мільёна рублёў. Суд прызнаў актывіста вінаватым у дапамозе работнікам заводу «Палімір» у атрыманьні фальшывых позваў у міліцыю, якія мусілі апраўдаць факт іх адсутнасьці на працы. Пракуратура спрабавала прыпісаць актывісту яшчэ шэраг парушэньняў закону, такіх як махлярства і падбухторваньне да дачы хабару, але ў судзе такія дзеяньні не знайшлі пацьверджаньня.
У Наваполацку распачаўся суд над актывістам Яўгенам Парчынскім
21 ліпеня ў Наваполацкім судзе распачаліся судовыя слуханьні па абвінавачваньні грамадзкага актывіста Яўгена Парчынскага ў парушэньні крымінальнага закону. Актывісту інкрымінуюць падзеі, якія адбыліся ў 2009 - 2012 гадох, па некалькіх артыкулах Крымінальнага кодэксу.
На Віцебшчыне забаранілі правядзеньне пікетаў у гадавіну Чарнобыля
У Віцебску і Наваполацку мясцовыя ўлады забаранілі пікеты, прымеркаваныя да чарговай гадавіны Чарнобыльскай трагедыі. У Наваполацку заяўку на пікет падаваў Яўген Парчынскі, на што атрымаў адказ ад намесьніка старшыні гарвыканкаму Альберта Шакеля, які напісаў заяўніку, што пікет забараняецца, бо заяўка на яго правядзеньне пададзеная з парушэньнем дзеючага заканадаўства.
Наваполацкія актывісты плянуюць зладзіць пікет на ўгодкі выбуху на Чарнобыльскай АЭС
Заяўку на акцыю ў Наваполацку падаў актывіст аргкамітэту па стварэньні грамадзкага аб’яднаньня «Свабодны регіён» Яўген Парчынскі. Пікет заплянаваны на 26 красавіка, гэтая акцыя «будзе мець і экалягічны, і палітычны характар. Бо аварыя на чарнобыльскай АЭС была ня толькі тэхнагеннай катастрофай, але і палітычнай праблемай, створанай савецкім рэжымым, які доўгі час хаваў наступствы Чарнобыля». Акцыю наваполацкія дэмакраты хочуць правесьці пад лёзунгамі «Свабода. Праўда. Справядлівасьць».
Невядомыя зьбілі і спрабавалі скрасьці наваполацкага актывіста Яўгена Парчынскага
12 жніўня каля 16-й дня Яўген Парчынскі вяртаўся дахаты і каля свайго пад’езду заўважыў “Фальксваген” цёмнага колеру. Зь яго выйшлі трое пасажыраў і прапанавалі актывісту “сесьці ў машыну, каб пагаварыць”. Ён адмовіўся, яго пацягнулі сілком, распачалася бойка…