Ператрусы і затрыманні ў Віцебску 1 снежня. Жамчужны, Кійко, Качурэц – на волі
У Віцебску ад самага ранку 1 снежня супрацоўнікі МУС прыходзілі з ператрусамі да віцебскіх актывістаў Міколы Качурца і Уладзіміра Кійко. Таксама не выходзіў на сувязь праваабаронца і былы палітвязень Міхаіл Жамчужны, у якога на 1 снежня быў прызначаны суд з нагоды зменаў патрабаванняў прэвентыўнага нагляду.
Нары замест назіраньня: Уладзімера Кійко кінулі ў ізалятар часовага ўтрыманьня
У панядзелак 3 жніўня быў затрыманы віцебскі актывіст Уладзімер Кійко. Яго зьмясьцілі ў ізалятар часовага ўтрыманьня (ІЧУ) адбываць арышт, які яму прысудзілі яшчэ 7 ліпеня за ўдзел у «ланцугу салідарнасьці». Пра затрыманьне паведаміў брат Уладзімера Яраслаў, зь якім яны меліся сёньня зарэгістравацца назіральнікамі на выбарах.
Уладзімер Кійко не дамогся адмены 10 сутак арышту за «ланцуг салідарнасьці»
Каардынатар ініцыятыўнай групы кандыдата ў прэзыдэнты Сьвятланы Ціханоўскай у Віцебску Уладзімер Кійко паспрабаваў аспрэчыць у абласным судзе 10 сутак адміністрацыйнага арышту, якія яму прысудзілі за ўдзел у «ланцугу салідарнасьці» 19 чэрвеня. Вынік прадказальны: судзьдзя Ірына Смалякова скаргу не задаволіла, а судовае рашэньне пакінула бязь зьменаў.
«Пасадзім цябе потым». Актывіста Ўладзімера Кійко нечакана вызвалілі зь ІЧУ
Каардынатар ініцыятыўнай групы Сьвятланы Ціханоўскай у Віцебску Ўладзімер Кійко 7 чэрвеня быў пакараны за ўдзел у «ланцугу салідарнасьці» на 10 сутак адміністрацыйнага арышту. Але за кратамі ў ізалятары часовага ўтрыманьня (ІЧУ) правёў толькі суткі і быў вызвалены без тлумачэньняў прычын.
Уладзімера Кійко пасадзілі на 10 сутак за ўдзел у «ланцугу салідарнасьці»
Каардынатара ініцыятыўнай групы Сьвятланы Ціханоўскай у Віцебскай вобласьці Уладзімера Кійко затрымалі 6 ліпеня, калі ён явіўся па позьве ў Кастрычніцкі РАУС Віцебску. Пасьля складаньня пратаколу актывіста кінулі ў ізалятар часовага ўтрыманьня. 7 ліпеня суд Кастрычніцкага раёну Віцебску прызнаў яго вінаватым у парушэньні заканадаўства аб масавых мерапрыемствах (ч.3 арт. 23.34 КаАП) і пакараў 10 суткамі арышту.
У Віцебску затрымалі Уладзімера Кійко – суткі да суду ён правядзе ў ІЧУ
У Віцебску 6 ліпеня быў затрыманы каардынатар ініцыятыўнай групы Сьвятланы Ціханоўскай Уладзімер Кійко. Зь міліцыі яму паведамілі, што ў яго дачыненьні вядзецца адміністрацыйны працэс і запрасілі для дачы тлумачэньняў у Кастрычніцкі РАУС Віцебску. З аддзяленьня міліцыі актывіста ўжо ня выпусьцілі…
Віцебская каманда «Страны для жизни» падала 5 тысяч подпісаў у выбарчыя камісіі
У сераду 17 чэрвеня сябры і валянтэры ініцыятыўнай групы патэнцыйнай кандыдаткі на прэзыдэнцтва Сьвятланы Ціханоўскай падалі падпісныя лісты ў раённыя камісіі па выбарах гораду Віцебску. Агулам у камісіі Першамайскага, Чыгуначнага і Кастрычніцкага раёнаў было пададзена каля 5000 подпісаў за Ціханоўскую.
«Кандыдаты пратэсту» зь Віцебшчыны абскардзілі рашэньне ЦВК у Вярхоўным судзе
19 траўня Цэнтральная камісія па выбарах і правядзеньні рэспубліканскіх рэфэрэндумаў прыняла пастанову аб адмове ў рэгістрацыі ініцыятыўных груп пяці «кандыдатаў пратэсту» зь Віцебскай вобласьці. Трое зь іх – Натальля Стрэльчанка, Аляксандар Якушкоў і Уладзімер Кійко – падалі на гэтае рашэньне скаргі ў Вярхоўны суд.
Шэсьць чалавек зь Віцебшчыны падалі ў ЦВК дакумэнты для рэгістрацыі ініцыятыўных груп
15 траўня скончыўся прыём дакумэнтаў на рэгістрацыю ініцыятыўных груп. У выніковым сьпісе апынулася 55 прэтэндэнтаў на прэзыдэнцтва, сярод якіх – 6 жыхароў Віцебскай вобласьці: трое з Віцебску, па адным з Воршы, Наваполацку і Дуброўна. Хто яны?..
100 базавых на дваіх: Качурэц і Кійко пакараныя за сьнежаньскі пікет штрафамі
Суд Чыгуначнага раёну Віцебску працягнуў разгляд адміністрацыйных справаў, распачатых супраць удзельнікаў пікету на плошчы Перамогі. 17 студзеня судзьдзя Юры Урбан аштрафаваў віцяблян Уладзімера Кійко і Міколу Качурца на 1350 рублёў кожнага.