18 красавіка судзьдзя Віцебскага абласнога суду Сьвятлана Іванова разгледзела скаргу сябра грамадзкай ініцыятывы «Хайсы» Андрэя Кешанюка на рашэньне суду Першамайскага раёну. Мясцовы актывіст быў пакараны 26 сакавіка судзьдзёй Натальляй Карабліной за нібыта правядзеньне несанкцыянаванага пікету пад бел-чырвона-белым сьцягам каля будынку «Белтэлекаму» і непадпарадкаваньне супрацоўнікам праваахоўных органаў.

31 студзеня Віцебскім абласным судом разглядаліся адразу дзьве скаргі незалежных журналістаў – Тацяны Смоткінай і Зьмітра Лупача. У выніку разгляду рашэньні раённых судоў, якія падверглі журналістаў штрафам, пакінутыя бязь зьменаў.

24 студзеня Віцебскі абласны суд разгледзеў скаргу кіраўніка грамадзкай ініцыятывы «Хайсы» Яна Дзяржаўцава на рашэньне суду Віцебскага раёну, які аштрафаваў яго за самавольнае пахаваньне парэшткаў ахвяраў сталінскага рэжыму. Касацыйную скаргу разглядала судзьдзя Сьвятлана Іванова.

Цэлыя чатыры месяцы прамінулі з моманту абвяшчэньня прысуду грамадзяніну Вялікай Брытаніі Алану Полу Сьміту, аж пакуль Віцебскі абласны суд нарэшце не разгледзеў яго справу ў апэляцыйным парадку. У выніку рашэньне суду Глыбоцкага раёну пра пакараньне англічаніна двума гадамі зьняволеньня ў калёніі агульнага рэжыму пакінутае бязь зьменаў, і вырак цяпер набыў законную моц.

На паседжаньні суду ў Віцебску 25 кастрычніка скаргу незалежнага журналіста адхіліла судзьдзя Сьвятлана Іванова. Зьміцер Лупач быў нязгодны з прысудам, які вынес яму судзьдзя Глыбоцкага райсуду Андрэй Тарасевіч 6 кастрычніка.

Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.

У судзе другой інстанцыі сябра АГП Сяргей Васільеў хацеў давесьці памылковасьць высновы Мёрскага райсуду, які прызнаў яго вінаватым у знаходжаньні на працы ў нецьвярозым стане. Гэтае правапарушэньне стала падставай для звальненьня апазыцыянэра. Калі б абласны суд стаў на яго бок, ён змог бы аднавіцца на працы.

У абласным судзе жыхарка Віцебску Вікторыя Гром спрабавала абскардзіць рашэньне суду Кастрычніцкага раёну ад 27 сакавіка гэтага году.

12 красавіка ў Віцебскім абласным судзе журналістка тэлеканалу Белсат Кацярына Бахвалава і карэспандэнтка Радыё Свабода Галіна Абакунчык спрабавалі абскардзіць рашэньні судзьдзяў суду Аршанскага раёну і гораду Воршы ад 13 сакавіка гэтага году. Прадстаўніцы прэсы былі затрыманыя напярэдадні і аштрафаваныя за асьвятленьне мітынгу і шэсьця недармаедаў у Воршы.

Судзьдзя Віцебскага абласнога суду Сьвятлана Іванова палічыла цалкам абгрунтаваным рашэньне свайго калегі, прынятае раней адносна супольных сьпеваў пад гітару гімну «Магутны Божа» былымі кандыдатамі ў дэпутаты, і пададзеную імі касацыйную скаргу не задаволіла.