44 –гадовы Ігар Мінц працаваў юрысконсультам на ААТ “Нафтан”. Ен быў затрыманы ў верасні мінулага году па справе “Рабочага руху”, мужчыну прыд’яўлена абвінавачанне ў здрадзе дзяржаве (артыкул 356 Крымінальнага Кодэксу) і стварэнні экстрэмісцкага фарміравання і ўдзеле ў ім (ч.3 арт. 361-1 Крымінальнага Кодэксу). У чым канкрэтна ягоная віна, не могуць дакладна сфармуляваць нават прапагандысты з беларускага тэлебачання: з фрагментаў відэа, знятых падчас допыту Мінца, вынікае хіба тое, што ён блізка сябраваў са сваім калегам, Аляксандрам Капшулем, таксама абвінавачаным па справе “Рабочага руху”.