Алег Маліноўскі разам з жонкай і сынам туліцца ў адным пакоі цешчынай кватэры. Кватэра знаходзіцца на чацьвёртым паверсе. Ліфта ў доме няма. Таму каб спусьціцца па лесьвіцы і выбрацца на двор, інвалід-вазочнік павінен рызыкаваць жыцьцём.

Грамадзкія актывісты Полацкага рэгіёну сабраліся 16 сакавіка ў судзе гораду Наваполацку, каб падтрымаць сябра БСДП Аляксея Жалнова (Мілюкова). Аляксей падаў пазоў у суд супраць свайго працадаўцы, Наваполацкага ЛПП №8, для выпатрабаваньня ня выплачанай заработнай платы. У працоўнай дамове Аляксея пазначаная мінімальная заработная плата, аднак яму выплачваюць толькі палову – крыху больш за мільён рублёў.

Работнікі ААТ «Нафтан» зьвярнуліся з адкрытым лістом да ўладаў з просьбай разгледзець сытуацыю, якая склалася на прадпрыемстве.

Суд Наваполацку 10 сакавіка разгледзеў адміністрацыйную справу сябра БСДП Аляксея Жаўнова (Мілюкова) і прызнаў яго вінаватым у абразе намесьніка начальніка лячэбна-працоўнага прафілякторыя № 8 Яўгена Гуцула. Нягледзячы на тое, што паказаньні сьведкаў – супрацоўнікаў ЛПП – не пацьвердзіліся аўдыёзапісам, які прагучаў у судзе, судзьдзя Зінаіда Балаболава пакарала Жаўнова штрафам за парушэньне артыкулу 23.5 Кодэксу аб адміністрацыйных правапарушэньнях.

Віцебскі абласны суд пакінуў без задавальненьня скаргу наваполацкага каардынатара аргкамітэту «Беларускай хрысьціянскай дэмакратыі» Андрэя Гайдукова на пастанову Наваполацкага суду ад 30 лістапада. Справу разглядала судзьдзя Сьвятлана Іванова.

У сьнежні 2015 году сям'я Марыны Джуглій чакала трэцяе дзіця. Хлопчыку ўжо выбралі імя – Цімоша. Бацькі былі настроеныя пазытыўна – дасьведчаная мама, сама па адукацыі мэдык. Ды і абсьледаваньні ў пэрыяд цяжарнасьці былі станоўчыя. Нішто не прадвяшчала бяды.

Ня менш за 100 індывідуальных прадпрымальнікаў сабраліся 18 студзеня каля будынку Наваполацкага гарвыканкаму. Сярод іх былі прадстаўнікі ўсіх рынкаў з двух гарадоў-суседзяў - Наваполацку і Полацку.

Абвінавачаньне па факце гібелі рабочых у філіяле “Наваполацкая ЦЭЦ” РУП “Віцебскэнэрга” прад’яўленае двум адказным работнікам прадпрыемства. Як паведаміла намесьніца начальніка аддзелу па наглядзе за выкананьнем заканадаўства ўпраўленьнем Сьледчага камітэту пракуратуры Віцебскай вобласьці Натальля Федарэнка, крымінальная справа перададзеная ў суд гораду Наваполацку.

Наваполацкі суд 28 жніўня вынес рашэньне аштрафаваць грамадзянскага актывіста Яўгена Парчынскага. Памер штрафу склаў 7,5 мільёна рублёў. Суд прызнаў актывіста вінаватым у дапамозе работнікам заводу «Палімір» у атрыманьні фальшывых позваў у міліцыю, якія мусілі апраўдаць факт іх адсутнасьці на працы. Пракуратура спрабавала прыпісаць актывісту яшчэ шэраг парушэньняў закону, такіх як махлярства і падбухторваньне да дачы хабару, але ў судзе такія дзеяньні не знайшлі пацьверджаньня.

У цэху № 201 заводу «Палімір» ААТ «Нафтан» з флянцавага злучэньня помпы адбылася ўцечка воднага раствору ацэтанітрілу, які разьліўся на плошчы 1 квадратны мэтар. Падчас спробы самастойна ліквідаваць цечу атручваньне парамі сінільнай кіслаты (уваходзіць у склад рэчыва) атрымалі сьлесар-рамонтнік і старшы майстар цэху. Абодва шпіталізаваныя.