Зварот у Віцебскую гарадзкую пракуратуру Кастуся Смолікава ад імя кіраўніка абласной арганізацыі партыі БНФ ня даў плёну. Ён скардзіўся на незаконнае, на яго погляд, праектаваньне Палацу ўрачыстых абрадаў і шлюбаў і пляны пабудаваць яго ў ахоўнай гістарычнай зоне. Актывіст апазыцыйнай партыі заявіў, што цяпер мае намер зьвярнуцца ў пракуратуру вобласьці.

У заяве, накіраванай у Віцебскі аблвыканкам, упраўленьне КДБ па Віцебскай вобласьці і ўпраўленьне ўнутраных спраў, шэраг дэмакратычных арганізацыяў выказалі пратэст супраць актыўнай дзейнасьці прапагандыстаў “рускага сьвету” на тэрыторыі вобласьці.

Грамадзяне накіравалі калектыўны зварот у аблвыканкам, Віцебскі райвыканкам, а таксама на адрас упраўленьня капітальнага будаўніцтва. Галоўны аргумэнт: сьмецьцесартавальны завод, які плянуюць пабудаваць на тэрыторыі палігону ў Агародніках, будзе шкодзіць здароўю людзей.

29 кастрычніка мае адбыцца XIII зьезд Таварыства беларускай мовы імя Францішка Скарыны. За месяц да падзеі мы пагутарылі са старшынём Віцебскай абласной філіі ТБМ Юрасём Бабічам. Наш суразмоўца расказаў пра тое, ці ёсьць якія зрухі ў справе перайменаваньня абласной бібліятэкі і ці адкрыюцца калі ў Віцебску беларускамоўныя клясы.

Вядомы на ўсю краіну і за яе межамі Глыбоцкі малочнакансэрвавы камбінат, вытворцу знакамітага глыбоцкага згушчанага малака, далучылі ў якасьці філіялу да менш пасьпяховага і не такога буйнога Глыбоцкага камбікормавага заводу.

Жыхары дамоў №7, корпус 1 і корпус 2, што па вуліцы Чкалава, сустрэліся з чыноўнікамі ў Віцебскім аблвыканкаме, каб яшчэ раз агучыць ім свае прэтэнзіі і даведацца, якім чынам улады зьбіраюцца вырашаць праблему пляцоўкі для выгулу сабакаў. Сустрэча адбылася 20 верасьня.

Тарыфы на паслугі цепла- і водазабесьпячэньня былі падвышаныя згодна з рашэньнем Віцебскага аблвыканкаму ад 28 жніўня 2017 году. Дакумэнт апублікаваны 7 верасьня і ўступіў у сілу з моманту апублікаваньня.

14 чэрвеня ў Віцебску адбыўся круглы стол Грамадзкай пляцформы «Дыялёг». Арганізаваў сустрэчу рух «Грамадзянская згода», які зьявіўся нейк раптам зь ніадкуль, але ўжо правёў аналягічную сустрэчу ў Менску.

Подпісы да старшыні аблвыканкаму зьбіраюцца ў вёсках Хайсы і Дрыкольле. Віцебскія актывісты не губляюць надзеі на тое, што кіраўніцтва вобласьці дасьць дазвол на ўсталяваньне памятнага крыжа на месцы масавых расстрэлаў недалёка ад вёскі Хайсы.

Адмовы атрымалі абодва заяўнікі імпрэзаў. Адміністрацыя Чыгуначнага раёну Віцебску забараніла двухгадзінны мітынг сябру КХП БНФ Яну Дзяржаўцаву, а Віцебскі абласны выканаўчы камітэт адмовіў старшыню Віцебскай абласной арганізацыі партыі БНФ Кастусю Смолікаву ў дазволе на правядзеньне заяўленых ім на 25 сакавіка мітынгу і шэсьця.