Віцебскі актывіст «Народнай Грамады» і валянтэр каманды Ціханоўскай Аляксандар Якушкоў быў затрыманы 4 жніўня і зьмешчаны ў ізалятар часовага ўтрыманьня. За кратамі ён мусіць правесьці 8 сутак арышту, якія яму прысудзілі за ўдзел у перадвыбарчых пікетаваньнях і якія ня далі адбыць напоўніцу да выбараў. Пра гэта паведаміў «Віцебскай Вясьне» паплечнік Якушкова Алег Паўлаў.

30 ліпеня шумна было ня толькі на мітынгу Сьвятланы Ціханоўскай у Менску – шумна было і ў Шуміліне. Ня менш за 150 шумілінцаў прыйшлі на мітынг, каб выказаць сваю падтрымку кандыдатцы. І гэта – не зважаючы на запалохваньне з боку мясцовага кіраўніцтва: людзей папярэдзілі пра нэгатыўныя наступствы для тых, хто наважыцца прыйсьці на імпрэзу. Аднак месьцічаў прыйшло куды больш, чым нават на Дзень перамогі ў траўні.

У Віцебску 6 ліпеня быў затрыманы каардынатар ініцыятыўнай групы Сьвятланы Ціханоўскай Уладзімер Кійко. Зь міліцыі яму паведамілі, што ў яго дачыненьні вядзецца адміністрацыйны працэс і запрасілі для дачы тлумачэньняў у Кастрычніцкі РАУС Віцебску. З аддзяленьня міліцыі актывіста ўжо ня выпусьцілі…

Актывіст «Народнай Грамады» Аляксандар Якушкоў 1 ліпеня меўся выйсьці на волю зь віцебскага ізалятару часовага ўтрыманьня, дзе адбываў 10 сутак арышту паводле пастановы суду Кастрычніцкага раёну ад 9 чэрвеня. Але ў дзень вызваленьня яго таемна асудзілі на чарговыя «суткі». На паседжаньне не пусьцілі нават жонку затрыманага.

11 чэрвеня актывіст «Народнай Грамады» Аляксандр Якушкоў быў раптам вызвалены зь віцебскага ізалятару часовага ўтрыманьня (ІЧУ), дзе адбываў 10 сутак адміністрацыйнага арышту паводле рашэньня судзьдзі Царыкава. На волю ён павінен быў выйсьці аж 18 чэрвеня.

Судзьдзя суду Кастрычніцкага раёну Віцебску Уладзімер Царыкаў палічыў, што актывіст «Народнай Грамады» Аляксандар Якушкоў браў удзел у несанкцыянаваным масавым мерапрыемстве 31 траўня і прысудзіў яго да 10 сутак адміністрацыйнага арышту паводле часткі 3-й артыкулу 23.34 КаАП. Суд адбыўся ў анлайн-рэжыме 9 чэрвеня.

15 траўня скончыўся прыём дакумэнтаў на рэгістрацыю ініцыятыўных груп. У выніковым сьпісе апынулася 55 прэтэндэнтаў на прэзыдэнцтва, сярод якіх – 6 жыхароў Віцебскай вобласьці: трое з Віцебску, па адным з Воршы, Наваполацку і Дуброўна. Хто яны?..

24 студзеня ў Віцебску адбыліся два адміністрацыйныя працэсы над удзельнікамі акцый у падтрымку незалежнасьці Беларусі. Суд Чыгуначнага раёну на 25 базавых велічынь аштрафаваў віцябляніна Аляксандра Якушкова, а Віцебскі раённы суд пакараў штрафам у памеры 30 базавых Алену Янушкоўскую.