Віцебскі актывіст і музыка Уладзімір Булаўскі асуджаны на 8 сутак
Вядомага віцебскага актывіста, музыку, былога каардынатара кампаніі «Будзьма!» у Віцебскай вобласці Уладзіміра Булаўскага прысудзілі 16 верасня да 8 сутак адміністрацыйнага арышту. Яго прызналі вінаватым у парушэнні заканадаўства аб масавых мерапрыемствах (арт. 23.34 КаАП) адразу па двух пратаколах. Актывіст знаходзіцца ў ізалятары часовага ўтрымання (ІЧУ).
Віцебскі музыка і прадпрымальнік Максім Жукаў выйшаў на волю
Максіма Жукава, які больш вядомы зараз у Віцебску як уладальнік сядзібы Адамава, 10 верасня вызвалілі з ізалятару часовага ўтрымання, куды ён трапіў 7 верасня па абвінавачанні ва ўдзеле ў несанкцыянаваным масавым мерапрыемстве. Судзілі Жукава толькі 10 верасня. Ён прызнаны вінаватым у правапарушэнні (арт. 23.34 КаАП) і пакараны арыштам на 3 сутак, якія ўжо адбыў.
За фотасэсію на фоне аддзяленьня міліцыі – 540 рублёў штрафу
Віцяблянін Дзьмітрый Каралькоў сфатаграфаваўся 29 ліпеня на фоне будынку аддзяленьня ўнутраных спраў Кастрычніцкага раёна Віцебскуз бел-чырвона-белым сьцягам у руках, і за гэта быў аштрафаваны на 20 базавых велічынь. Суд адбыўся 4 верасьня.
Янушкоўскую аштрафавалі за маханьне сьцягам на бальконе. Але з ізалятару ня выпусьцілі
1 верасьня ў судзе Віцебскага раёну адбыўся суд над вядомай віцебскай актывісткай і блогеркай Аленай Янушкоўскай. Судзьдзя Міхаіл Зубеня прызнаў яе вінаватай ва ўдзеле ў несанкцыянаваным пікетаваньні, якое актывістка нібыта зладзіла на бальконе аднаго з дамоў на праспэкце Будаўнікоў: трымала ў руках бел-чырвона-белы сьцяг і паказвала знак вікторыі. За гэта пакараная штрафам у памеры 945 рублёў.
Чаму звольніўся намесьнік начальніка віцебскага ІЧУ Сяргей Каўрыга
8 жніўня маёр міліцыі Сяргей Каўрыга разьмясьціў на сваёй старонцы ў Фэйсбуку фотаздымак міліцэйскага пасьведчаньня з камэнтаром: «Служить бы рад, прислуживаться тошно. Честь имею!» Празь некалькі дзён ён вырашыў распавесьці журналістам пра прычыны свайго звальненьня, піша Беларускае Радыё Рацыя
Затрыманых удзельнікаў «ланцугу айцішнікаў» судзілі ў ІЧУ – штрафы і папярэджаньне
Суды над затрыманымі 26 чэрвеня ўдзельнікамі ланцугу салідарнасьці, які адбыўся днём раней на праспэкце Будаўнікоў каля ГЦ «Амега», прайшлі ў закрытым рэжыме на тэрыторыі ізалятара часовага ўтрыманьня (ІЧУ). Чатырох віцяблян прызналі вінаватымі паводле арт. 23.34 КаАП: трох пакаралі штрафамі, адну ўдзельніцу папярэдзілі.
Алену Янушкоўскую аштрафавалі на 810 рублёў і вызвалілі з ізалятару
Віцебская блогерка Алена Янушкоўская («Страна для жизни») была затрыманая ў сябе дома 23 жніўня напярэдадні «Маршу новай Беларусі». Пасьля складаньня пратаколу за правапарушэньне паводле ч.3 арт. 23.34 КаАП (парушэньне заканадаўства аб масавых мерапрыемствах) актывістку да суду кінулі ў віцебскі ізалятар часовага ўтрыманьня (ІЧУ). 25 жніўня суд пакараў актывістку штрафам у памеры 30 базавых велічынь.
У Віцебску затрымліваюць назіральнікаў і актывістаў каманды Ціханоўскай (абнаўляецца)
Валянтэр каманды Ціханоўскай у Віцебску Аляксандар Мацяюк быў затрыманы ўвечары 7 жніўня. Сёньня стала вядома пра затрыманьне чатырох незалежных назіральнікаў. Усім «шыюць» дробнае хуліганства – правапарушэньне паводле арт. 17.1 КаАП. Затрыманьні працягваюцца.
Юлію Ўласенка вызвалілі зь ІЧУ – паднялася тэмпэратура. Яе маці застаецца за кратамі
Актывістку Юлію Ўласенка затрымалі і зьмясьцілі ў ізалятар часовага ўтрыманьня 7 жніўня за заклік у Тэлеграм-чаце арганізавана пайсьці на футбольны матч ФК «Віцебск» – «Іслач». На яе склалі пратакол паводле арт. 23.34 КаАП. Але бліжэй да палуначы Юлію выпусьцілі на волю – у яе паднялася тэмпэратура. Яе маці – блогерка Алена Янушкоўская – застаецца за кратамі.
Аляксандра Якушкова зьмясьцілі ў ІЧУ адседжваць неадбытыя «суткі»
Віцебскі актывіст «Народнай Грамады» і валянтэр каманды Ціханоўскай Аляксандар Якушкоў быў затрыманы 4 жніўня і зьмешчаны ў ізалятар часовага ўтрыманьня. За кратамі ён мусіць правесьці 8 сутак арышту, якія яму прысудзілі за ўдзел у перадвыбарчых пікетаваньнях і якія ня далі адбыць напоўніцу да выбараў. Пра гэта паведаміў «Віцебскай Вясьне» паплечнік Якушкова Алег Паўлаў.