Разьбяр па дрэве і былы палітвязень жыхар Віцебску Ўладзіслаў Макавецкі цалкам адбыў двухгадовае «пакаранне» ў івацэвіцкай калоніі. У «Воўчых норах» сябраваў з Паўлам Юхневічам і Алесем Пушкіным. Адтуль даслаў сваёй жонцы малюнак зеленавокага коціка-сфінкса ў турэмнай робе на фоне трох зорак у акенцы за кратамі. Праз год «Котэк Друша» трапіў на афішу выставы карцін рэпрэсаваных мастакоў, якая адкрыецца ў Варшаве 17 сакавіка. Размаўляем з Уладзіславам Макавецкім пра ката Друшу, Алеся Пушкіна і Беларусь на раздарожжы. Пра гэта піша “БелСат”.

Жыхар Віцебску, мастак і разьбяр па дрэве Уладзіслаў Макавецкі адбывае пакаранне ў Івацэвіцкай калоніі №22, вядомай як «Воўчыя норы». У гэтай калоніі ён знаходзіцца ўжо год, але апошнім часам да яго даходзяць не ўсе лісты з волі, а таксама і ягоныя допісы практычна не трапляюць да блізкіх. Маці Уладзіслава Макавецкага, спадарыня Наталля, просіць усіх неабыякавых людзей падтрымаць сына – з надзеяй, што хоць колькі лістоў, але трапіць да яго ў рукі.

Пасля скаргі праваабаронцы Паўла Левінава на дзеянні пракурора Віцебску Андрэя Шклярэўскага пракуратура Віцебскай вобласці прызнала памылку з боку падначаленага ёй пракурора і паабяцала, што яна будзе ўлічаная і не паўторыцца ў далейшай працы.

«Віцебская Вясна» сустрэлася з маці мастака і палітвязня Уладзіслава Макавецкага, асуджанага ў студзені 2020 году на два гады калоніі за гвалт у дачыненні супрацоўніка ўнутраных спраў (арт. 364 КК). Пасля 5 месяцаў, праведзеных у віцебскім СІЗА-2, палітвязня этапавалі ў івацэвіцкую калонію № 22 – так званыя «Воўчыя норы». «Няхай растане гэты стары снег!» – піша адтуль Уладзіслаў.

9 студзеня маці віцебскага мастака Уладзіслава Макавецкага, асуджанага на два гады зняволення за замахванне дручком на міліцыянта, пабывала на кароткатэрміновым спатканні з сынам у СІЗА №2 Віцебску. Наталля Макавецкая расказала, што яе сын не падае духам і перадае вялікія падзякі тым, хто яго падтрымлівае.

16 снежня ў судзе Кастрычніцкага раёну Віцебску агучылі прысуд у дачыненні да 27-гадовага мастака Уладзіслава Макавецкага. Віцяблянін прызнаны вінаватым ва ўчыненні злачынства, прадугледжанага арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Суддзя Сняжана Кіндзеева прызначыла пакаранне ў выглядзе пазбаўлення волі тэрмінам на два гады.

15 снежня ў судзе Кастрычніцкага раёну Віцебску закончыліся судовае следства і судовыя спрэчкі ў крымінальнай справе віцебскага мастака Ўладзіслава Макавецкага. 27-гадовага разьбяра абвінавачваюць паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Пракурор запрасіў у суду пакараць яго зняволеннем на 3 гады. Прысуд агучаць 16 снежня.

Суд Кастрычніцкага раёну Віцебску 9 снежня пачаў разглядаць крымінальную справу віцебскага мастака Уладзіслава Макавецкага, абвінавачанага ў злачынстве паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Віцябляніну пагражае да 6 гадоў пазбаўлення волі.

Сябра “Маладога Фронту” Ўладзіслаў Макавецкі навучаецца ў Віцебскім тэхналягічным каледжы па спэцыяльнасьці “дэкаратыўна-прыкладное мастацтва”. Палітычнай дзейнасьцю Ўлад займаецца даўно і кіраўніцтва каледжу папярэджвала яго пра недапушчальнасьць “грамадзкай дзейнасьці”. Летась падчас традыцыйнай акцыі памяці герояў Слуцкага Збройнага Чыну ён прыняў прысягу “Маладога Фронту”. Празь некаторы час пасьля гэтага ў каледж прыйшлі невядомыя супрацоўнікі праваахоўных органаў у цывільным.