Суд Полацку і Полацкага раёну 26 кастрычніка завяршыў разгляд крымінальнай справы, заведзенай на 51-гадовую прадавачку аднаго з гандлёвых цэнтраў. Жанчыну вінавацілі ў злачынствах, прадугледжаных адразу трыма артыкуламі Крымінальнага кодэксу -188, 364, 369. Суд прызнаў яе вінаватай у паклёпе, абразе прадстаўніка ўлады і пагрозе ўжывання гвалту да супрацоўніка ўнутраных спраў. Вырак – тры гады «хіміі».

Апублікавана ў Суд

13 кастрычніка на полацкага старшыню кантрольна-рэвізійнай камісіі Свабоднага прафсаюзу Беларускага (СПБ) Віктара Стукава супрацоўнік Полацкага РАУС Віктар Кураш склаў пратакол аб адміністрацыйным правапарушэнні. На думку міліцыі, Стукаў распаўсюджваў у інтэрнэце экстрэмісцкія матэрыялы. Абвінавачанні яму выставілі завочна, бо меркаваны правапарушальнік у аддзяленне міліцыі для складання пратаколу не прыйшоў.

Апублікавана ў Правы працоўных

У судзе Полацка і Полацкага раёна 14 кастрычніка пачаўся разгляд крымінальнай справы ў дачыненні да 52-гадовай прадаўшчыцы Зухры Берасневай, якая абвінавачваецца адразу па трох артыкулах Крымінальнага кодэкса: абраза прадстаўніка ўлады (арт. 369 КК), гвалт альбо пагроза ўжывання гвалту ў дачыненні да супрацоўніка органаў унутраных спраў (арт. 364 КК) і паклёп (арт.188 КК РБ).

Апублікавана ў Суд

Рост захворвання каронавіруснай інфекцыяй у полацкім рэгіёне пачаўся ў верасні. На днях пад хворых на COVID-19 аддалі частку хірургічнага аддзялення гарадской лякарні. Падрабязнасці пра тое, як праходзіць чацвёртая хваля каронавірусу распавёў галоўны лекар Полацкай ЦГБ Аляксандр Стома.

Апублікавана ў Рознае

Пятнаццаць сутак адміністрацыйнага арышту прысудзілі 8 кастрычніка ў судзе Полацкага раёну і гораду Полацку выкладчыцы вакальнай студыі ў мясцовым цэнтры культуры Ірыне Гражэўскай. Яе прызналі вінаватай у распаўсюдзе экстрэмісцкіх матэрыялаў (ч.2 арт. 19.11 КаАП). Нібыта жанчына зрабіла рэпост навіны TUT.BY у сацсетцы «ВКонтакте». Пастанову аб арышце выкладчыцы вынес суддзя Андрэй Дзергачоў.

Апублікавана ў Суд

Суд Полацкага раёну і гораду Полацку 29 верасня пакараў мясцовага прадпрымальніка Генадзя Бердзянёва 10 суткамі адміністрацыйнага арышту за рэпосты ў сацсетцы «Аднакласнікі» навінаў Белсат і TUT.BY, зробленыя яшчэ 2020 годзе. Рашэнне аб арышце палачаніна прымаў суддзя Андрэй Дзергачоў. Справу Бердзянёва (арт. 19.11 КаАП) ён разбіраў не больш за 20 хвілін.

Апублікавана ў Суд

15 верасня суд Полацкага раёну і гораду Полацку пакараў адміністрацыйным арыштам на 7 сутак лекара-псіхіятра Полацкай абласной псіхіятрычнай лякарні Віталя Савіцкага за перапост артыкулу ў сацыяльнай сетцы. Рашэнне аб арышце лекара прыняў суддзя Віктар Баліка. Пратэстуючы супраць несправядлівага, на ягоную думку, рашэння, Віталь Савіцкі заявіў пра пачатак галадоўкі адразу пасля абвяшчэння прысуду.

Апублікавана ў Суд

Як стала вядома, 15 ліпеня 2021 году дырэктар таварыства з абмежаванай адказнасцю "Савіка" А. Гуйвік паведаміў кіраўніку Цэнтру інфармацыйна-прававой падтрымкі сацыяльна ўразлівых груп насельніцтва "Адвакацыя" Мікалаю Шараху аб скасаванні з сярэдзіны жніўня дамовы арэнды. У інфармацыйным лісце паведамляецца, што прычынай разрыву арэндных адносінаў стала змена ўласніка памяшканняў.

У Полацку 19 чэрвеня сышоў у вечнасць юрыст-праваабаронца Юрый Бельскі. Яму было 57 гадоў. Юрый быў сузаснавальнікам Полацкага праваабарончага таварыства, доўгі час кіраваў полацкім аддзелам абароны правоў спажыўцоў.

Апублікавана ў Рознае

12 траўня Полацкі суд вынес тры пастановы паводле артыкулу 24.23 КаАП за нібыта ўдзел грамадзян у несанкцыянаваных масавых мерапрыемствах. У выніку – два арышты і адзін штраф у памеры больш за 2000 рублёў.

Апублікавана ў Суд