Каардынатара ініцыятыўнай групы Сьвятланы Ціханоўскай у Віцебскай вобласьці Уладзімера Кійко затрымалі 6 ліпеня, калі ён явіўся па позьве ў Кастрычніцкі РАУС Віцебску. Пасьля складаньня пратаколу актывіста кінулі ў ізалятар часовага ўтрыманьня. 7 ліпеня суд Кастрычніцкага раёну Віцебску прызнаў яго вінаватым у парушэньні заканадаўства аб масавых мерапрыемствах (ч.3 арт. 23.34 КаАП) і пакараў 10 суткамі арышту.